2018-04-13 11:08 
Jóanis Nielsen
Jóanis Nielsen
8.a á Skúlanum á Giljanesi skipaði í gjárkvøldið fyri kunningarfundi um virksemið hjá felagsskapinum Beranum.
Á fundinum greiddi Oddbjørg Poulsen, dagligur leiðari í Beranum, frá virksemi teirra. Berin skipar fyri sorgarbólkum fyri børnum og ungum, og fyri foreldrum, ið hava mist børn/pinkubørn. Harumframt verður skipa fyri bólkum fyri børnum, ið verða rakt av álvarsligari sjúku í familjuni.
Eisini greiddi Rannvá Arnadóttir frá hennara upplivingum í sambandi við, at hon fyri fimm árum síðani misti beiggja sín, og um ta stóru hjálp, sum Berin hevur veitt henni í fleiri ár. Rannvá hevur luttikið í trimum ymiskum sorgarbólkum hjá Beranum.
Á fundinum sang Hans Ranvsfjall nakrar vakrar sangir og at enda handaði 8.a á Giljanesi Beranum eina peningagáva upp á 11.000 kr. Peningaupphæddin er helvtin av fløskuinnsavnan sum flokkurin skipaði fyri í síðstu viku í Vága kommunu.
8.a á Giljanesi og foreldrabólkurin takkar fyri eitt væleydnað tiltak og fyri allan stuðu.
Myndir og orð: Jan Johannesen.
Vinarliga broyt tínar kennifíla - og privatlívsstillingar fyri at síggja hetta innihald