??r Gásadali, til Viðareiðis og so til Havnar á súkklu (210km)

Tað var venjingin hjá nøkrum súkklarum í gjár.

Tað vóru 13 súkklarar (22 súkklarar vóru við tilsamans), sum byrjaðu uppá langa túrin, úr Gásadali, uppum Sandavágsháls, undir vatnskorpuna í Vestmannasundi, norður gjøgnum Sundalagi, gjøgnum Eysturoyartunnilin, síðani uppum Gørueiðið, og aftur undir eitt sund, tá ið súkklarnir skuldi til Klasvíkar, gjøgnum teir myrku tunlarnar í Norðoyggjum, norð til Viðareiðis at venda, so kósina móti høvusstaðnum. Í alt 209 km uppá 9 tímar og 9 min., sum gevur eina meðalferð uppá 23,2 km/t. Tilsamans súkklaðu súkklarnir 3.937 hæddarmetrar og hitin var 2,7 stig í miðal.

Hetta var hjá fleiri fyrsti túrurin hjá Team Rynkeby súkklarnum á nýggju súkklunum, Team Rynkeby súkklarnir hava fingið tær nýggju súkklurnar í hesi vikuni.

Tað vóru tó ???bert??? 3 súkklarar, sum gjøgnumførdu allan teinin, tað vóru Guðmundur Guðmundsson, Sverri Mohr Edvinsson og Finn Danberg, tann sum súkklaði 4. longst var Jonhard Joensen úr Sandavági, hann súkklaði 187 km.