Tummas T. og Tróndur í Gøtu koma á Tvøroyri í morgin

 Tummas T. og Tróndur í Gøtu, sum báðir hava verið til makrelfiskiskap vestur úr Hetlandi, sigla heim.

Tummas T. kemur á Tvøroyri kl. 6 í morgin, teir hava 1.100 tons, teir sleppa at landa beinanvegin teir koma inn.

Tróndur í Gøtu kemur eitt sindur seinni á Tvøroyri, teir hava 1.700 tons.

Vit hava tosað umborð á bæði skipini fyri løtu síðan, teir søgdu, at teir frá føroysku mynduleikunum fingu boð seinnapartin í dag, um at gevast at fiska.