Tummas T kemur inn við 1.500 tonsum

 Tummas T. fór í nátt at sigla av svartkjaftafeltinum við góðum 1.500 tonsum í lastini. Tummas T. er júst nú staddur norður úr Suðuroy, teir skulu landa í Fuglafirði, men har eru fleiri skip, sum bíðja eftir landingartørni, so Tummas T. sleppir ikki framat at landa fyrrenn mánakvøldið. Tummas T. fer á Kollafjørð at bíða, teir verða á Kollafirði kl. 16 í dag.

Slættaberg kom inn í morgun við 1.000 tonsum og aftaná skal Atlantsfarið landa 800 tons, so eigur Tummas T. tørn.