Trý skip hava í dag sett kósina móti Flemish Cap

Vit skrivaðu í gjár, at fyrsta línuskipið hevði sett kósina móti Flemish Cap, les um tað her. 

Í dag hava trý skip afturat sett kósina móti Flemish Cap. Talan er um Eivind, Kamb og Stapan, ferðin yvir á Flemish Cap tekur væntandi átta dagar.

Skipini hava fingið 2635 tons at fiskað, men kvotan er 3911 tons so 1276 tons kunnu keypast á uppboðsølu. Skipini sleppa ikki at fiska fyrr enn 10. januar.