Tróndur í Gøtu skal landa makrel til Pelagos

 Tróndur í Gøtu siglir heim undan Hetlandi, har teir hava verið til makrelfiskiskap, teir hava roynt tætt vestur úr Foula.

Tróndur skal landa til Pelagos í Fuglafirði, teir verða á Fuglafirði kl. 2 í nátt og sleppa framat at landa beinanvegin teir koma inn.

Vit á JN.fo hava fyri løtu síðan tosað umborð, teir siga, at tað er góður makrelur skipini fáa, støddin liggur um 400 gramm.

Tróndur í Gøtu hevur fiskað 800 tons henda túrin.

Norðborg, Finnur Fríði og Fram royndu um somu leið sum Tróndur.