Tróndur í Gøtu landar lodnu á Fáskrúðsfirði

Tróndur í Gøtu er ávegis til Fáskrúðsfjarðar við 1.400 tonsum av lodnu, sum teir skulu landa til Lodnuvinnsluna á Fáskrúðsfirði, teir verða inni kl. 6 í kvøld og sleppa framat at landa beinanvegin teir eru komnir inn.

Vit á JN.fo tosaðu umborð fyri løtu síðan, sagt varð, at teir hava fiskað lodnukvotuna og fara beint á svartkjaftaveiðu vestur úr Írlandi, tá ið liðugt er at landa lodnuna.