Tróndur í Gøtu landaði 2.787 tons á Fáskrúðsfirði

 Tróndur í Gøtu hevur landa størstu lastina, sum skipið higartil hevur fiskað. Teir landaðu hendan túrin á Fáskrúðsfirði í Íslandi - teir høvdu 2.787 tons, sum er størsta nøgd, sum teir hava havt í skipinum.

Tróndur í Gøtu loysti av Fáskrúðsfirði beint fyri middag í dag. Áðrenn teir fara aftur til fiskiskap, koma teir á Fuglafjørð eftir troli og útgerð, síðan verður kósin sett í ES-sjógv vestur úr Hebridunum.