Tróndur í Gøtu kemur á Tvøroyri í nátt við makrellast

 Tróndur í Gøtu, sum hevur verið til makrelfiskiskap vestur úr Hetlandi, kemur á Tvøroyri í nátt við 1.200 tonsum av makreli, sum teir skulu landa til Varðan Pelagic, teir sleppa framat at landa fyrrapartin í morgin, í løtuni landar Jupiter á Tvøroyri.

Vit á JN.fo tosaðu umborð á Trónda fyri løtu síðan, teir siga, at tað er góður makrelur, sum fæst vestur úr Hetlandi, støddin liggur um 400 gramm.

Sagt verður frá nógvum vindi seinni í kvøld og í nátt, men Tróndur fer helst at sleppa undan tí óveðrinum, sum boðað er frá.

Í løtuni er bara Finnur Fríði, av føroyskum skipum, á leiðini vestur úr Hetlandi, men sum vit skilja, so fara teir helst at sigla í nátt.