2014-06-06 22:17 
Jóanis Nielsen
Jóanis Nielsen
Tórshavnar kommuna hevur fingið inn tvey tilboð upp á útstykkingina oman Gil og arbeiðið at gera nýggjan fótbóltsvøll í Hoyvík.
Býráðið samtykti at bjóða arbeiðið út undir einum. Stórur hæddarmunur er í økinum oman Gil. Og samstundis verður grót tikið burtur, tá fótbóltsvøllurin verður gjørdur. Hetta tilfar verður brúkt aftur í nýggju útstykkingini oman Gil.
Hesi tilboð komu inn:
Articon: kr 27.886.268
J & K. Petersen: kr 24.804.771
Metingin frá ráðgevunum: kr 25.936.415
Upphæddirnar eru uttan mvg.
Umsitingin fer nú saman við ráðgevunum, LBF og HMP, ígjøgnum tilboðini. Síðani verður málið fyrireikað til politiska viðgerð.
Tórshavnar kommuna lutar í løtuni út 24 grundstykki í útstykkingini oman Gil í Hoyvík.
Kelda: Tórshavnar kommuna.
Vinarliga broyt tínar kennifíla - og privatlívsstillingar fyri at síggja hetta innihald