Stuttlig endurreising á Norðoyastevnu

Norðoyastevnan ið verður hildin í Klaksvík fyrsta vikuskiftið í juni, er fyrsta stevnan á árinum. Tað er á Norðoyastevnu, at kappróðrarfeløgini skjóta kappingarárið í gongd, og soleiðis eisini summarið. Hettar er nú sum fyrr, men Norðoyastevnan kann sigast at verða nógv broytt síðani tað bleiv koyrandi ígjøgnum Norðoyatunnilin. Ein fastur táttur ið plagdi at verða á Norðoyastevnu var Norðoyastevnuteitið; ella bert ???teitið??? ið tað varð kallað. Teitið, sum vit kendu tað, fór tó í dvala og hevur ikki verið á Norðoyastevnuskránni síðani 2005. Teitið, har tað ið áður var so álvarsamt, í eina løtu varð vent til skemt, varð altíð væl vitjað. Ikki minst varð tað ómakaleyst hjá stevnugestum, at detta inn á gátt í Atlantis, har leikarar úr Klaksvíkar sjónleikarafelag syrgdu fyri, at vit saman kundu flenna at lokalum og samfelagsligum evnum, ið høvdu stungið seg upp ígjøgnum árið; ella bert fyri lítlari løtu síðani. Jú víst var tað gaman at møtast á stevnu!