Stuðul av játtanini til útoyggjamenning

Nú ber til at søkja um stuðul til tiltøk, sum virka mennandi fyri útoyggjar. Almannamálaráðið umsitur játtanina, sum í 2014 er 710 tús. kr.

Stuðul kann veitast einstaklingum, virkjum, feløgum og kommunum. Játtanin verður umsitin sambært reglugerð um stuðul til útoyggjamenning.

Umsóknir skulu skrivast á serligt umsóknarblað. Umsóknarblað og reglugerð eru til taks á heimasíðuni hjá Almannamálaráðnum, www.amr.fo, ella við at venda sær til Almannamálaráðið.

Freistin at søkja um stuðul er 4. apríl 2014.

Umsóknir skulu sendast til:

Almannamálaráðið
Eirargarður 2
100 Tórshavn
Ella: [email protected]