Slættaberg landar í Fuglafirði

 Slættaberg er ávegis á Fuglafjørð við 900 tonsum av svartkjafti, sum teir hava fiskað sunnanfyri, einar 80-90 fj. suður úr Akrabergi. Slættaberg verður á Fuglafirði um 20-tíðina í kvøld.

Slættaberg landaði eisini fyrr í vikuni í Fuglafirði, tá høvdu teir 1.200 tons. Sagt verður at tað er smáfallandi svartkjaftur teir fáa.

Jupiter sum hevur verið á lodnuveiðu við Ísland, er ávegis til Føroyar, teir fara beinleiðis á svartkjaftaveiðu.