Sjagaklettur landar í St. Pierre

 Hvalbiartrolarin Sjagaklettur siglir inn til St. Pierre, har teir skulu landa veiðuna, ið teir hava fiskað á Flemmish Cap. Sjagaklettur hevur fulla last - umleið 260 tons av toski - Sjagaklettur verður inni seint í morgin, teir byrja at landa beinanvegin teir koma inn.

Sørvágstrolarin Brestir hevur eisini landað í St. Pierre, Brestir er ikki farin nýggjan túr, teir fingu onkrar trupulleikar við turbinuni, sum verða umvalt, áðrenn farið verður avstað aftur.