![placeholder](https://jn.fo/css/img/banner2x1.png)
- Tey seinastu árini eru krøvini til góðkendar grannskoðarar og til grannskoðanarvirkir økt munandi. Hesi krøvini eru bæði tíðar- og kostnaðarkrevjandi.
- Ásannandi at góðskustýringskrøvini, ið sett verða grannskoðanarvirkjum, umframt krøvini til eftirútbúgving og um uttanhýsis góðskueftirlit, eru sera tungar byrðar hjá smáum grannskoðanarvirkjum at lyfta, hevur leiðslan fyri Sp/f K-ReVision avgjørt at gevast við partinum av virkinum, sum grannskoðar ársfrásagnir.
- Fyri einstaklingavirkir og feløg, har grannskoðan ikki er kravd, heldur Sp/f K-ReVision fram sum higartil ??? tvs. at hjá hesum viðskiftafólkunum fær avgerðin ongar avleiðingar.
- Men fyri eisini í framtíðini at kunna bjóða viðskiftafólkum sínum grannskoðan, er ein samstarvsavtala gjørd millum Sp/f K-ReVision og P/F JANUAR, sum ber í sær, at Sp/f K-ReVision framyvir tekur sær av dagliga bókhaldinum fyri einstaklingar og virkir, og ger alt tilfar klárt til at grannskoða sum P/F JANUAR so tekur sær av.
- Samstarvsavtalan ber í sær, at P/F JANUAR verður nú umboðað í Suðuroynni, og kann veita bæði verandi og framtíðar viðskiftafólkum sínum dygdargóða bókhalds- og roknskaparhjálp á staðnum.
- Harafturat kunnu virkini bæði bjóða ta ráðgevingarhjálp innan bókhald, roknskap, skatt v.m., sum viðskiftafólkini hava tørv á.
- Við hesum samstarvinum eru bæði Sp/f K-ReVision og P/F JANUAR nógv betri fyri at veita viðskiftafólkunum í Suðuroynni eina dygdargóða tænastu á øllum viðkomandi fíggjarligum økjum, sigur Jógvan Amonsson, statsgóðkendur revisor.
Kelda: sudurras.fo
Vinarliga broyt tínar kennifíla - og privatlívsstillingar fyri at síggja hetta innihald