Saksaberg og Tróndur í Gøtu sigla inn

 Saksaberg og Tróndur í Gøtu sigla inn - skipini fáa nú reinan makrel.

Saksaberg, sum pumpar inn frá Róki og Lerki, hevur 280 tons, teir fara á Kollafjørð og verða á Kollafirði kl. 14, tá verður Slættaberg liðugur at landa, so Sakasaberg sleppir framat beinanvegin teir koma inn.

Tróndur í Gøtu hevur 1.300 tons av reinum makreli, tað er ikki avgjørt enn um teir fara á Kollafjørð ella á Tvøroyri. Tróndur fer fyrst á Fuglafjørð við einum troli.