Polar Princess kemur á Kollafjørð í kvøld

 Grønlendski trolarin Polar Princess, sum hevur verið til fiskiskap í Barentshavinum, kemur á Kollafjørð í kvøld, har teir skulu landa 500 tons av heilfrystum toski.

Teir hava hendan túrin eisini landað 850 tons í Norra. Polar Princess hevur verið til fiskiskap í 28 dagar.

Polar Princess fer nú á makrelveiðu við Eystur-Grønland, teir skulu hava eitt flótitrol o.a. trolútgerð frá Vónini, eisini bunkra teir og taka proviant her í Føroyum, áðrenn farið verður á makrelveiðu.