Neistin, Kyndil og VB vunnu dystirnar í Hvonn-deildini

 Tríggir dystir eru í dag leiktir í Hvonn-deildini.

Í dystinum í Høllini á Hálsi vann Kyndil tryggan sigur á StÍF, úrslitið gjørdist 26-17 til Kyndil, Kyndil liggur á 2. plássi í Hvonn-deildini við 14 stigum. StÍf hevur bert 3 stig fyri 10 dystir, tær liggja næstniðast.

Í dystinum í Klaksvík ímillum Stjørnuna og Neistan vann Neistin tryggan sigur, úrslitið gjørdist 26-17 til Neistan, sum liggur ovast í Hvonn-deildini við 16 stigum, Stjørnan liggur niðast við einum stigi.

Í Vági tóku vágskvinnur ímóti VÍF, tann dystin vann VB 33-29 og liggur nú á 3. plássi við 10 stigum, beint aftaná kemur VÍF á 4. plássi við 8 stigum.