Næraberg farin aftur til fiskiskap

 Eftir at Næraberg hevur verið til høvuðsumvælingar hjá Skipasmiðjuni MEST á Skála síðan fyrst í desember, so er Næraberg nú farin aftur til fiskiskap.

Teir hava riggað til á Kollafirði í nakrar dagar, seint í gjárkvøldi ella í nátt loystu teir so av Kollafirði, teir eru nú áveg suður á svartkjaftafeltið sunnast í føroyskum sjógvi, har Norðborg, Christian í Grótinum, Jupiter og Tróndur í Gøtu royna.