![placeholder](https://jn.fo/css/img/banner2x1.png)
Varðin Pelagic hevur tikið ímóti størstu nøgdini, 35.000 tonsum, og Faroe Pelagic hevur tikið ímóti 33.000 tonsum.
Landskassin hevur higartil í ár fingið knappar 110 milliónir krónur í inntøkum frá uppsjóvarfiskiskapinum. Tað upplýsti landsstýrismaðurin við fiskivinnumálum í løgtinginum í gjár.
Jacob Vestergaard upplýsti, at Havsbrún hevur tikið ímóti 22.000 av teimum 135.000 tonsunum av makreli, sum eru fiskað í ár. Havsbrún hevur tikið lutfalsliga móti meira av sild, nevniliga 24.000 tons av teimum 70.000, sum higartil eru fiskað í ár.
30.000 tons eftir
Nótaskipini hava 30.000 tons eftir at fiska í ár. Tað verður feit heystsild fyri nógv betri prís, og landsstýrismaðurin upplýsti, at meginparturin av hesum fer til matna.
Tá ið ræður um makrelin, hevur Varðin Pelagic tikið ímóti størstu nøgdini, 35.000 tonsum. Faroe Pelagic í Kollafirði hevur fingið 33.000 tons, føroysk framleiðsluskip 28.000 tons, Havsbrún 22.000 tons, útlendsk móttøkuskip knøpp 16.000 tons, og 1300 tons eru landað til uppsjóvarvirkið í Vestmanna.
Mest sild til Havsbrún
Havsbrún hevur tikið ímóti mestu sildini, 24.000 tons. Faroe Pelagic í Kollafirði hevur tikið ímóti 15.000 tonsum, Varðin Pelagic á Tvøroyri 13.000, føroysk móttøkuskip 11.000, útlendsk móttøkuskip hava fingið 6.000 tons og virkið í Vestmanna 200 tons.
Kelda kvf.fo
Vinarliga broyt tínar kennifíla - og privatlívsstillingar fyri at síggja hetta innihald