Løntakararnir havt framgongd síðan mai

Árstíðarjavnað vóru tað 23.788 løntakarar í august 2013. Hetta er triði mánaði á rað, at tað er framgongd eftir fallið í vár. Nú er talið av løntakarum tað hægsta síðani juni 2012.

Einans vøkstur innan privatar tænastuvinnur
Tá hugt verður eftir løntakarum eftir vinnugrein, ber ikki til at árstíðarjavna, m.a. tí at sveiggini í fiskivinnuni eru so stór og óreglulig. Tá er frægasti hátturin at samanbera við sama mánaða árið fyri.

Í privatu tænastuvinnunum vóru 168 løntakarar fleiri í august, samanborðið við august í fjør. Framgongdin er 2,1%. Verður hinvegin samanborðið við 2011, er bert talan um lítla broyting. Í hinum høvuðsvinnugreinunum er lítil afturgongd.

Stutt um árstíðarjavning og trendin
Árstíðarjavnað tøl eru reinsað fyri árstíðaravvik, sum t.d. afturvendandi sveiggið í virkseminum millum vár og summar, heyst og vetur. Hetta merkir, at til ber at hyggja eftir gongdini mánað fyri mánað, uttan at samanberingin verður órógvað av regluligum sveiggjum millum árstíðirnar.

Í trendinum er harumframt lagt upp fyri øðrum óreglusemi í mánaðarligu tølunum, og tá sæst tann undirliggjandi langtíðargongdin í lønunum.

Til ber at lesa meira um árstíðarjavning her 

Fleiri og nágreiniligari tøl eru at síggja í hagtalsgrunninum