Litrík vestanstevna 2021

Nú nærkast Vestanstevnan í Sandavági, so nú er skjótt tíð aftur at seta lit á bygdina.

Eins og undanfarin ár, er bygdin deild upp í 7 økir, við hvør sínum liti:

1. Ovaru Sarpar ??? Gult

2. Niðaru Sarpar ??? Pink

3. Frá Fossánni til Eingjartoftir (Milliónbrekkuna) ??? Reytt

4. Frá Eingjartoftum (Milliónbrekkuni) til ??ti á Bakka ??? Grønt

5. Onundarvegur, í Heygagerði, undir Fobbakletti og Traðarvegur ??? Lilla

6. Á Giljanesi, Nesavegur, Inni á Leiti, Giljavegur, Dalsbøur, Áarlið, á Giljatrøðni og Hammershaimbsvegur (heim til brúnna) ??? Blátt/turkis

7. Miðhjallar og Ovastuhjallar ??? Appelsingult

Miðstaðarøkið kann prýðast við øllum litum 

Nógv stuttlig, fjølbroytt og kreativ hugskot síggjast á myndum frá farnu Vestanstevnum, og fleiri av hesum kunnu óiva nýtast aftur. So tað er bara at lata hugflogið fara í sving!

Vit heita á øll um at hava umhvørvið í huga, soleiðis at prýðið ikki endar í náttúruni.

Leygardagin 24. juli skal alt prýði á almennum økjum verða tikið niður aftur.

Um korona-støðan loyvir tí, verður litrík skrúðgonga fríggjakvøldið 16. juli.