Ingi Olsen og Henrik Gerster verða VÍF-venjarar

 Tað verður navnframi vestmenningurin Ingi Olsen, sum kemur at venja Atlantic Airwaysliðið hjá VÍF komandi kappingarár, tað varð kunngjørt á samkomu á Staðnum fyri løtu síðan, nú Bátafestivalurin verður hildin í Vestmanna.

Ingi hevur nógvar royndir bæði sum leikari og venjari, hann hevur vant VÍF, Neistan og Sóljuna. Seinastu tíðina hevur Ingi arbeitt í Grønlandi og har hevur hann eisini roynt seg sum venjara í bestu grønlendsku mansdeildini.

Henrik Gerster vandi seinasta ár bæði Atlantic Airways- og Elektronliðið, men tað vísti seg at verða ov nógv, tí fekk hann avloysara í Elektrondeildini, men Henrik Gerster stóð á odda hjá VÍF-monnunum, sum eisini komu í finaluna, sum teir tó taptu tepurt ímóti KÍF.