2014-03-14 22:55 
Jóanis Nielsen
Jóanis Nielsen
Føroyar og ES undirritaðu í gjár eina fiskivinnusemju á føroysku sendistovuni í London.
Semjan er galdandi fyri 2014 og hevur við sær, at Føroyar fáa atgongd at fiska 46.000 tons av føroysku makrelkvotuni í ES-sjógvi. Tað svarar til 30% av føroysku makrelkvotuni.
Eisini fáa Føroyar atgongd at fiska 25.000 tons av føroysku svartkjaftakvotuni í ES-sjógvi.
Somuleiðis fær ES atgongd at fiska 46.000 tons av sínari makrelkvotu og 25.000 tons av sínari svartkjaftakvotu í føroyskum sjógvi.
Harumframt er semja eisini gjørd um býtið av ymiskum fiskasløgum við ávísum broytingum í mun til fiskivinnuavtaluna frá 2010.
Í føroysku sendinevndini vóru Herluf Sigvaldsson, samráðingarleiðari, Jóannes V. Hansen, sendimaður í London, Ingibjørg Thomsen, Jógvan Jespersen, Hanus Hansen, og Anna E. Hofgaard.
Vinarliga broyt tínar kennifíla - og privatlívsstillingar fyri at síggja hetta innihald