Jóanis Nielsen
Um hvítusunnuna var Magnus Heinason úti til hydrografi kanningar. Á túrinum blivu sjey streymmátarar lagdir út: tríggir norðanfyri , tveir í Bankarennuni og tveir í Hetlandsrennuni, harav annar í bretskum sjógvi. Harafturat vóru hita- og saltmátingar gjørdar eftir einum standardskurði í Hetlandsrennuni. Hetta vóru høvuðsuppgávurnar á túrinum og eru tær partar av EU verkætlanini NACLIM , sum Havstovan er við í.
Umframt hetta, vóru tvær eyka uppgávur á túrinum: Onnur var at taka fýra glúpstøðir norðanfyri í samband við eina PhD verkætlan, sum er fíggjað av donsku stjørnini og felagnum Nótaskip (meiri er at lesa her).
Hin uppgávan var at dreggja eftir kúpuskel vestan- og eystanfyri á umleið 100 metra dýpi og í hesum sambandi var ein PhD-studentur frá Universitetinum í Bergen við á túrinum. Hesar royndirnar eydnaðust væl og ein stutt frágreiðing um úrtøkuna verður skrivað í næstum.
Túrfrágreiðingin kann lesast her.
Kelda: hav.fo
Vinarliga broyt tínar kennifíla - og privatlívsstillingar fyri at síggja hetta innihald