Familjutiltak í Vága kommunu í dag

Sløkkiliðið í Vága kommunu og Vága kommuna, fara saman at skipa fyri einum stórum familjutiltaki hósdagin 1. juli kl. 18.00, inni á keiini við brandstøðina.

Alt sløkkiliði verður við í tiltakinum og vísa bilarnar fram. Harafturat verður skipa fyri eini stafett kapping fyri alla familjuna, børn og vaksin - barnsligar sálir, har ymiskar uppgávur har vatn og skúm verður brúkt, skulu loysast. Besti bólkurin vinnur eitt gávukort. Børnini (og tey vaksnu ) fara at fáa karm, so tað ræður um at vera í regnklæðum og gummistivlum, ella hava skiftiklæðir við.

Ein stórt umráði verður hegnað av og fylt við skúmi at sparka bólt í, Hans Ravnsfjall fer at syngja barnasangir og vit fara at grilla pylsur, og bjóða eisini kaffi til tey vaksnu.

??kið fram við brandstøðini verður songt fyri ferðslu ímeðan tiltakið verður. Góðir parkerings møguleikar eru á keiini.

Sløkkiliðið hevur stóran týdning fyri kommununa, og tað hevur eisini týdning at børn síggja og læra um sløkkiliðið ímeðan tey hugna sær.