EM við seyðahundum - tríggir føroyingar eru við

EM við seyðhundum byrjar í dag. Tríggjir føroyingar luttaka í kappingini sum er í Belgia um vikuskiftið. Teir eru Páll Poulsen við Taru, Eyðstein Jensen við Nap og Tummas Jacobsen við Glen.

Tilsamans eru 89 luttakarar úr 13 londum.

Í dag og í morgin eru tað undankappingar til finalurnar. Tað eru 16 luttakarar sum skulu kappast í finaluni, um at hava bestu seyðhundarnar í Europa.

Í dag skal Eyðstein Jensen í eldin og í morgin fara so Páll Poulsen og Tummas Jacobsen í eldin. Finalan verður sunnudagin.

Í fjør bleiv Páll Poulsen og Tara nr. 8 í europameistarakappingini við seyðhundum.