Jóanis Nielsen
Í januar vóru 23.703 løntakarar í Føroyum, tað er áleið tað sama sum undanfarnu tveir mánaðir. Hetta vísa árstíðarjavnaðu tølini.
Trendurin vísir at síðan mai 2012 hava tað verið um 23.700 løntakarar hvønn mánað, í løtuni vísir trendurin at tað hevur verið ein lítil afturgongd seinastu tríggjar mánaðirnar.
Stutt um árstíðarjavning og trendin
Árstíðarjavnað tøl eru reinsað fyri árstíðaravvik, sum t.d. afturvendandi sveiggið í virkseminum millum vár og summar, heyst og vetur. Hetta merkir, at til ber at hyggja eftir gongdini mánað fyri mánað, uttan at samanberingin verður órógvað av regluligum sveiggjum millum árstíðirnar.
Í trendinum er harumframt lagt upp fyri øðrum óreglusemi í mánaðarligu tølunum, og tá sæst tann undirliggjandi langtíðargongdin í løntakarunum.
Til ber at lesa meira um árstíðarjavning her
Fleiri og nágreiniligari tøl eru at síggja í hagtalsgrunninum.
Vinarliga broyt tínar kennifíla - og privatlívsstillingar fyri at síggja hetta innihald