Christian í Grótinum hevur nú fiskað makrelkvotuna

 Christian í Grótinum, sum hevur roynt í ES-sjógvi í ein landsynning úr Hetlandi, fór í nátt at sigla heim við 730 tonsum av makreli, sum teir skulu landa til Pelagos í Fuglafirði, teir verða á Fuglafirði kl. 21 í kvøld.

Í løtuni landar Fagraberg í Fuglafirði, Christian í Grótinum sleppir framat í nátt, tá ið liðugt er at landa Fagraberg.

Vit tosaðu umborð í morgun, Páll Klein Rasmussen skipari segði, at nú var makrelkvotan uppfiskað fyri í ár, teir fara nú á svartkjaftaveiðu - svartkjaftafiskiskapurin plagar at taka seg upp um hesa tíðina.