Borgarin landar svartkjaft til Havsbrún

 Borgarin, sum hevur verið á svartkjaftaveiðu sunnast í føroyskum sjógvi, kemur á Fuglafjørð við 2.000 tonsum av svartkjafti, sum teir skulu landa til Havsbrún. Teir byrja at landa kl. 6 í kvøld.

Vit á JN.fo hava tosað við skiparan - John Leif Joensen - hann sigur, at teir nú hava fiskað alla svartkjaftakvotuna, teimum varð tillutað í ár.

Fleiri skip eru á svartkjaftafeltinum enn: Jupiter, Arctic Voyager, Tróndur í Gøtu, Høgiklettur, Høgaberg og Tummas T., umframt eitt grønlendskt og eitt russiskt.