Jóanis Albert Nielsen
Portal.fo skrivar:Ein bilur er funnin út fyri gomlu bryggjuni í Oyndarfirði.
Tað váttar løgreglan í Havn.
Enn ber ikki til at siga, um talan er um bilin hjá eftirlýsta Klæmint Eli Poulsen, sum leitað hevur verið eftir seinastu tveir dagarnar.
Fólk eru send á staðið at fáa bilin upp.
KVF, skrivar seinni í dag
Kavarar hava funnið líkið av Klæmint Eli Poulsen í Oyndarfirði.
Tíðliga seinnapartin funnu kavarar líkið av 48 ára gamla Klæminti Eli Poulsen í bilin hjá honum, sum varð funnin á sjónum 15 metrar frá gomlu kajini í Oyndarfirði.
Tað var ein borgari í Oyndarfirði, sum sá oljublett á sjónum og boðaði løgregluni.
Bjargingarbáturin Lív fóru á staðið og kundi staðfesta, at ein bilur lá á botni.
Tey umborð á Lív boðaðu løgregluni frá, og síðani vórðu froskmenn sendir niður at kanna bilin.
Teir staðfestu at hetta var bilurin hjá Klæminti Eli Poulsen, og at líkið av honum var í bilinum.
Kristian Dahl, politikommisserur, veit enn ikki hvat er hent, og heldur ikki nær bilurin kann verða farin á sjógv.
Hann sigur, at fleiri kanningar skulu gerast, og nakrar avhoyringar skulu gerast aftrat.
Akstovan skal kanna bilin.
Sostatt er leitingin eftir Klæminti Eli Poulsen nú avblást.
Vinarliga broyt tínar kennifíla - og privatlívsstillingar fyri at síggja hetta innihald