2014-02-22 05:00 
Jóanis Nielsen
Jóanis Nielsen
Barnadansistevnan 2014
Barnadansistevnan verður 22. februar í skúlanum á Giljanesi.
Stevnan byrjar klokkan 10.00 og endar kl. 15.00.
Dansað verður í fimleikarhølllini og etið verður í ítróttarhøllini. Væntandi verða nógvir luttakarar, tí er neyðugt at skipa dagin soleiðis, at luttakararnir verða býttir í bólkar ein part av tíðini.
Meðan ein bólkur etur døgurða, fer ein annar túr við bussi.
Vit fara í kirkjuna í Sandavági og hyggja eisini at minnisvarðanum av Hammershaimb. Eftir tað gongur ferðin til kirkjuna í Miðvági, og vit hyggja eisini at minnisvarðanum av Mikkjal á Ryggi. Síðani fara vit inn í húsini í Beitinum, har Mikkjal varð føddur. Í Beitinum er møguleiki at fara uppá gólv.
Bólkarnir skiftast soleiðis, at øll fáa høvi at vitja í Sandavági, Miðvági og at eta, tað skrivar Vága Dansifelag á heimasíðu síni.
Vinarliga broyt tínar kennifíla - og privatlívsstillingar fyri at síggja hetta innihald