Arbeiðsloysið í februar var 4,3%

Arbeiðsloysistølini fyri februar 2014 eru nú tøk í hagtalsgrunninum við fleiri útgreinaðum upplýsingum.

Síðan september í fjør hevur árstíðarjavnaða arbeiðsloysið ligið um 4,1 til 4,2% og er nú vaksið upp í 4,3%. Samanborið við mars mánað í fjør er árstíðarjavnaða arbeiðsloysið minkað úr 4,7% niður í 4,3%. 
Hettar síðsta árið er árstíðarjavnaða arbeiðsloysið minkað við 123 fulltíðar arbeiðsleysum. Arbeiðsloysið millum kvinnur hevur verið størri enn hjá monnum. Í miðal vórðu, árstíðarjavnað, 133 fleiri kvinnur enn menn fulltíðararbeiðsleysar. 

Næsta talvan vísir arbeiðsloysið í februar 2014, býtt eftir sýslum. Lutfalsliga størsta arbeiðsloysið var í Sandoyar Sýslu, 8,4%. Mista arbeiðsloysið var í Eysturoyar Sýslu, 3,5%.

Triðja talvan vísir arbeiðsloysið í februar 2014, býtt eftir aldursbólkum. Arbeiðsloysið er størst í aldursbólkinum  55-66 ár og minst í aldursbólkinum 45-54 ár.