4 trolarar landa í Hvalba

 Allir 4 partrolararnir hjá hvalbingum landa í Hvalba í dag. Tilsamans hava teir 460.000 pund.

Niels Pauli og Steintór, sum hava roynt vestanfyri hava 280.000 pund, so gott sum alt er upsi.

Breiðanes og Hamranes hava roynt sunnalaga á Munkagrunninum, teir hava 180.000 pund, tað er meira blandað slag hjá teimum.

Nógva fiskaarbeiðið í Hvalba gevur arbeiðið til allar hendur, tað sæst eisini aftur í skattainntøkunum í Hvalba.