21. umfar í 1. deild í fótbólti er leikt í kvøld, dystirnir vóru hesir:

07Vestur var á vitjan í Gundadali hjá B36. 07Vestur vann dystin 4-2.

07Vestur kom á odda 1-0 við máli, sum Sigtór fekk, stutt eftir var javnleikur 1-1. Beint áðrenn hálvleik - í tíðini, sum dómarin hevði lagt afturat - lifti Torstein bóltin uppum ein B36 verjuleikara, sjálvt um hann sá út sum um hann fór at missa bóltin. Komin framvið knallaði hann í kassan. 2-1 til 07Vestur - og so bríkslaði dómarin til hálvleiks.

Tá ið tveir minuttir vóru leiktir av seinna hálvleiki, skallaði Gunnleif eitt fríspark frá Sigtór í netið og støðan 3-1.

07Vestur kom eisini á odda 4-1 við brotsparki, sum Gunnleif setti í netið, eftir at Torstein varð feldur í brotsteiginum.

Løtu seinni fekk B36 eisini brotsspark - tað endaði eisini í netinum og støðan 4-2, sum eisini gjørdist endaliga støðan í Gundadali í kvøld.

??ll úrslitini: