Ítróttur

Vágamenn vunnu dramatiska FM-finalu

Tað var spenningur og drama við lít, tá ið vágamenn og havnarmenn í dag telvaðu um meistaraheitið, fyrst í regluligum dysti, og síðani í umdysti, skipaður sum kviktalv við munandi minni leiktíð.

Sandavágs Talvfelag kann av sonnum frøast. Teir vunnu í dag bæði 1. deild og 2. deild, og hava tí tvey lið í 1. deild komandi kappingarár. Her eru einar tríggjar manningar hjá Sandavágs Talvfelag avmyndaðar í dag.

2023-03-18 20:50

Jóanis Albert Nielsen

Suni Merkistein/TSF skrivar:

Sí myndir úr Klaksvík her.

Fyrst vunnu havnarmenn 3-1. Tað gav teimum umdystin. Nú vóru teir rímiligt favorittar eftir frálíka sigurin á ósigraða oddaliðnum, men í umdystinum tók alt eina bráða vend. Vágamenn vóru neyvari og kringari og kaldari, tá ið á stóð.

Alt kollrendist á ovaru borðunum. Her høvdu Helgi Dam Ziska og Martin Poulsen greiðan fyrimun, men í kviktalvi kann so mangt henda, tí tíðin er knøpp. Føroyameistarin Høgni Egilstoft Nielsen, ið var fyri sínum fyrsta og einasta tapi í vetur í regluliga dystinum í dag móti einum vælleikandi Martin Poulsen, vísti stórt yvirskot, tá ið hann brádliga aftur lá omaná, og vann.

Uppaftur meira gátuført var tað, sum hendi á 1. borði. Her hevði stórmeistarin at kalla vunna støðu, men so var tað, sum slóknaði hann. Um fjálturin nervaði hann meira enn gott er, er ilt at siga, men hann lorkaði sær stóra fyrimunin burtur í fáum leikum, og varð settur skák og mát.

Jón í Horni Nielsen - ber arvin víðari í Sandavágs Talvfelag. (foto: jn.fo)

Nýggja stjørnan hjá sandavágsmonnum í talvi eitur Jón í Horni Nielsen. Hann hevur fingið eitt veruligt gjøgnumbrot í vetur í sínum fyrsta kappingarári í 1. deild. Hann telvaði sera væl í regluliga dystinum í dag, og átti ivaleyst at vunnið, men misti tráðin og var um reppið at tapa endatalvið, men stríddi seg kortini til remis. Í umdystinum kom hann aftur at standa væl, men tá ið Luitjen tóktist hava javnað støðuna aftur, átti hann eina avgerandi fintu, ið tryggjaði honum sigurin.

Bara Olaf Berg vann av havnarmonnum í umdystinum. Olaf er ein pressari og vann eitt roktalv í regluliga dystinum, og í umdystinum offraði hann djarvur mann. Hóast offrið tóktist at vera í so vágið, fekk hann kortini væl av spæli afturfyri, og endin var, at hann lá omaná.

FM-finaluumdystur (kviktelving)

Sandavágur - Havnin 3 - 1

Rógvi Egilstoft - Helgi Dam Ziska 1 - 0

Høgni Egilstoft Nielsen - Martin Poulsen 1 - 0

Silas Eyðsteinsson - Olaf Berg 0 - 1

Jón í Horni Nielsen - Luitjen Akselsson Apol 1 - 0

Eitt flott comeback av sandavágsmonnum eftir at hava tapt 3-1 í høvuðsdystinum. Tað vísir styrki og treiskni og góðar kappingareginleikar. Mann fyri mann hevur havnarliðið hægri styrkitøl á trimum av fýra borðum, men kanska hava vágamenn aðrar dygdir, sum javna henda munin, tá ið á stendur.

Tað er hugvekjandi at síggja, at Rógvi Egilstoft á 1. borði er mentur at neutralisera stórmeistaran Helga Dam Ziska í trimum talvum teirra millum í vetur. Tvey remis í regluligu toppdystunum, og so ein avgerandi sigur í umdystinum. Tað átti næstan ikki at borið til, men við slíkum toppavrikum ber til at vinna á favorittunum.

Havnarmenn eru helst bæði nipnir og vónbrotnir um ikki at vinna í ár, nú felagið um ein mánað fyllir 100.

Men sannast má, at hesi bæði liðini hava givið okkum nakrar frálíkar kappingar og FM-finalur tey seinnu árini. Í fjør var eisini spenningur til síðsta leik, og tá var tað Helgi Dam Ziska, ið tryggjaði havnarmonnnum sigurin eftir harðvunnan dyst móti Rógva Egilstoft.

Í dag kundu vágamenn siga takk fyri síðst - og tillukku við 100 ára føðingardegnum!

Dystirnir í 1. deild í tíggjunda og seinasta umfari í dag:

10. Umfar tann 2023/03/18 kl. 10:00

Bo.

Sandavágs Talvfelag 1

Rtg

Havnar Telvingarfelag 1

Rtg

1 : 3

1.1

Egilstoft Rogvi

2274

Ziska Helgi Dam

2543

½ - ½

1.2

Nielsen Hogni Egilstoft

2394

Poulsen Martin

2311

0 - 1

1.3

Eydsteinsson Silas

2050

Berg Olaf

2204

0 - 1

1.4

Nielsen Jon I Horni

2023

Apol Luitjen Akselsson

2113

½ - ½

Bo.

Klaksvíkar Talvfelag 1

Rtg

Havnar Telvingarfelag 2

Rtg

3 : 1

2.1

Simonsen Olavur

2189

Thorsteinsson Sjurdur

2143

½ - ½

2.2

Petersen Terji

2043

Jogvansson Hjalti Toftum

2018

1 - 0

2.3

Olsen Wille

2011

Hansen Herluf

1994

½ - ½

2.4

Johansen Haldur Suni

1984

Berg Margar M.

1912

1 - 0

Bo.

Kollafjarðar Talvfelag 1

Rtg

Klaksvíkar Talvfelag 2

Rtg

2½:1½

3.1

Djurhuus Arant

1791

Rasmussen Steintor

1990

½ - ½

3.2

Morkore Rogvi

1736

Gregersen Hedin

1919

0 - 1

3.3

Joensen Hanus

1773

Gregersen Einar

1894

1 - 0

3.4

Fagraklett Virgar

1475

Olsen Rogvi Heinason

1400

1 - 0

Hóast kollfirðingar fingu gott úrslit í dag, gjørdust teir ov stuttir, og flyta úr 1. deild aftur.

1. deild - endaliga støðan

Rk.	Lið	1a	1b	2a	2b	3a	3b	4a	4b	5a	5b	6a	6b	TB1	TB2
1	Havnar Telvingarfelag 1	*	*	1½	3	3½	3½	2½	2½	2½	4	4	4	31	18
	Sandavágs Talvfelag 1	2½	1	*	*	3½	2½	3½	4	3	3½	4	3½	31	18
3	Klaksvíkar Talvfelag 1	½	½	½	1½	*	*	2	2	1½	3	2½	4	18	8
4	Klaksvíkar Talvfelag 2	1½	1½	½	0	2	2	*	*	4	3	1	1½	17	6
5	Havnar Telvingarfelag 2	1½	0	1	½	2½	1	0	1	*	*	2½	2	12	5
6	Kollafjarðar Talvfelag 1	0	0	0	½	1½	0	3	2½	1½	2	*	*	11	5

Tað endaði púra javnt millum Havnina og Sandavág. 31 borðstig og 18 dystarstig í part. Innanhýsis hevði Havnin munin (4½-3½), men reglurnar áseta umdyst um meistaraheitið í slíkum føri.

Hvirluvindurin ST

Við FM-sigrinum í dag hevur Sandavágs Talvfelag lagt upp á síðuna á Klaksvíkar Talvfelag sum tey bæði næstmest vinnandi feløgini í landinum. Sandavágs Talvfelag vann fyrsta FM-heitið í 2011, so tað hevur gingið upp á stás hesi trettan árini síðani.

FM 2010-2023
2010 KTF

2011 ST

2012 HT

2013 ST

2014 ST

2015 ST

2016 ST

2017 HT

2018 HT

2019 ST

2020 HT

2021 ST

2022 HT

2023 ST

FM 1971-2023

HT 25

ST 8

KTF 8

VT 6

KT 4

TT 1

TFS 1

Sandavágs Talvfelag upp

Tað er komið fyri fyrr, at Sandavágs Talvfelag hevur tvey lið í 1. deild, men nú eru nøkur ár síðani. Men í dag gjørdist greitt, at vágamenn eru eisini bestir í 2. deild.

Meira syrgiligt er at síggja, at gamli talvrisin - Vestmanna Talvfelag - er dottin heilt niður í 3. deild. Hvokkin er hann, Grímur á Skóg.

Komandi kappingarár verða bara trý feløg í 1. deild - Sandavágur, Havnin og Klaksvík - øll við hvør sínum tveimum liðum.

10. umfar

Sandavágur - Vestmanna 3½ - ½

Havnin B - Klaksvík 1 - 3

Havnin A - Kollafjørður 3 - 1

2. deild - endaliga støðan

Rk.	Lið	1a	1b	2a	2b	3a	3b	4a	4b	5a	5b	6a	6b	TB1	TB2
1	Sandavágs Talvfelag 2	*	*	3	1½	3	2½	2½	4	2	3	2½	3½	27,5	17
2	Klaksvíkar Talvfelag 3	1	2½	*	*	3½	2	2	2½	2½	3	1½	3½	24	14
3	Havnar Telvingarfelag 3	1	1½	½	2	*	*	2	3	3	1½	1	3	18,5	8
4	Kollafjarðar Talvfelag 2	1½	0	2	1½	2	1	*	*	2½	1½	1½	3½	17	6
5	Havnar Telvingarfelag 4	2	1	1½	1	1	2½	1½	2½	*	*	2½	1	16,5	7
6	Vestmanna Talvfelag 1	1½	½	2½	0	3	1	2½	½	1½	3	*	*	16	8

Runavík upp

Kongshavnar Talvfelag - fyrr Runavíkar Talvfelag - hevur vunnið 3. deild og flytur upp í 2. deild.

10. umfar

Kongshavn - Kollafjørður 2 - 2

Sandavágur A - Rókur 2 - 2

Sandavágur B - Toftir 2½ - 1½

3. deild - endaliga støðan

Rk.	Lið	1a	1b	2a	2b	3a	3b	4a	4b	5a	5b	6a	6b	TB1	TB2
1	Kongshavnar Talvfelag 1	*	*	½	2	3½	3	1½	4	3½	2	2½	2	24,5	13
2	Talvfelagið Rókur 1	3½	2	*	*	0	1½	3	2	3	3½	2½	2	23	13
3	Tofta Talvfelag 1	½	1	4	2½	*	*	1½	1½	1	2½	4	2	20,5	9
4	Sandavágs Talvfelag 4	2½	0	1	2	2½	2½	*	*	3½	1½	1½	3	20	11
5	Kollafjarðar Talvfelag 3	½	2	1	½	3	1½	½	2½	*	*	2½	2	16	8
6	Sandavágs Talvfelag 3	1½	2	1½	2	0	2	2½	1	1½	2	*	*	16	6

Gøtuskeggjar vunnu

Annað gamalt stórfelag í føroyskari telving, er Gøtu Talvfelag. Teir vóru í nógv ár í 1. deild, og tá Petur Eli Mikkelsen og Sjúrður Lómstein vóru í vælmaktini, vóru teir heilt frammarlaga.

Men gøtumenn eru í somu støðu sum toftamenn og vestmenningar, sum ikki hava verið mentir at seta nóg væl við tey seinnu árini. Nú kunnu teir heilsa vestmenningum í lyftini upp úr 3. deild í 2. deild.

10. umfar

Gøta A - Rókur B 4 - 0

Gøta B - Toftir 2 - 2

Havnin - Kongshavn 4 - 0

Vestmanna - Klaksvík A 1½ - 2½

Klaksvík B - Rókur A 4 - 0

4. deild - endaliga støðan

Rk.	Lið	1	2	3	4	5	6	7	8	9	10	TB1	TB2
1	Gøtu Talvfelag 1	*	1½	2½	3	3	4	4	4	3	4	29	16
2	Klaksvíkar Talvfelag 4	2½	*	2	2½	1½	3	4	4	4	4	27,5	15
3	Havnar Telvingarfelag 5	1½	2	*	1	3	3½	3	3	4	4	25	13
4	Vestmanna Talvfelag 2	1	1½	3	*	4	1½	3½	4	3	3½	25	12
5	Klaksvíkar Talvfelag 5	1	2½	1	0	*	4	2½	2	4	4	21	11
6	Talvfelagið Rókur 2	0	1	½	2½	0	*	3½	3	2½	3	16	10
7	Gøtu Talvfelag 2	0	0	1	½	1½	½	*	2	3	4	12,5	5
8	Tofta Talvfelag 2	0	0	1	0	2	1	2	*	2	2	10	4
9	Kongshavnar Talvfelag 2	1	0	0	1	0	1½	1	2	*	3	9,5	3
10	Talvfelagið Rókur 3	0	0	0	½	0	1	0	2	1	*	4,5	1

Havnin vunnið FM

Seinastu leikirnir í unglingadeildini verða fluttir mikudagin, men greitt er longu nú, at Hanar telvingarfelag hevur vunnið.

Unglingar - eitt umfar eftir

Rk.	Lið	1a	1b	2a	2b	3a	3b	4a	4b	5a	5b	6a	6b	TB1	TB2
1	Havnar Telvingarfelag 1	*	*	2½		2	3	3½	4	4	3½	4	4	30,5	17
2	Klaksvíkar Talvfelag 1	1½		*	*	2	2½	2	2½	3	4	3	4	24,5	14
3	Sandavágs Talvfelag 1	2	1	2	1½	*	*	3	2	2½		3	3	20	11
4	Gøtu Talvfelag 1	½	0	2	1½	1	2	*	*	2	1	2½		12,5	5
5	Havnar Telvingarfelag 2	0	½	1	0	1½		2	3	*	*	1	1	10	3
6	Sandavágs Talvfelag 2	0	0	1	0	1	1	1½		2	3	*	*	9,5	4

Næst á skránni í føroyskari telving er FM-einstaklingakappingin, sum Havnar Telvingarfelag skipar fyri um páskirnar.
Sí myndir úr Klaksvík her.

Vinarliga broyt tínar kennifíla - og privatlívsstillingar fyri at síggja hetta innihald