Útvístur fyri falskt pass

Maðurin, sum er úr Albania, hevur einki tilknýti til Føroyar. Hann kom til landið við Norrønu í fyrradagin, og tá hann varð biðin um at vísa samleikaprógv, vísti hann tollvaldinum eitt falskt pass. Maðurin varð handtikin og førdur fram til grundlógarhoyring í Føroya Rætti fyrrapartin í gjár.

Skjalafalsan er eitt sera álvarsamt lógarbrot, og tað sæst eisini aftur í dóminum. Maðurin varð dømdur 40 daga treytaleysa fongsulsrevsing og útvístur úr Føroyum við innferðarbanni í trý ár.