Ungdómslandsliðið í Badminton vunnið gull, silvur og bronsu í Danmark

Flestu føroysku leikararnir luttóku í A bólkinum. Sunnudagin 29. mai vóru finalurnar spældar, og tá dagurin varð liðugur høvdu føroysku spælararnir í A bólkinum vunnið 3 gull, 4 silvur og 6 bronsuheiðursmerkir.

Í ár luttók Ranja Joensen í úrvalsbólkinum E í Danish Junior Open. Her er støðið sera høgt, og Ranja tó stóð seg sera væl í øllum dystunum, spældi fleiri trý-settarar og vann onkran dyst.

Allir leikarar spældu góðar og javnar dystir, so Badmintonsambandið fegnast um mongu dugnaligu ungdómsleikararnar, ið vit hava í Føroyum. 

Úrslitini gjørdust hesi:

U17/19 A gentur, einmansleikur

Oddbjørg í Buð Justinussen, bronsu

U17/19 A dreingir, einmansleikur

Asbjørn H. Olsen, bronsu

U17/19 A dreingir, tvímansleikur

Asbjørn H. Olsen og Bjarti Vang, bronsu

U15 A gentur, einmansleikur

Birna Jacobsen, gull

Julianna í Heiðunum, silvur

Elisa Christiansdóttir og Eira Petersen, bronsu 

U15 A dreingir, einmansleikur

Tóki Guttesen, silvur.

U15 A gentur, tvímansleikur

Birna Jacobsen og Julianna í Heiðunum, gull

Eira Petersen og Eyð L. Debess, silvur

U15 A blandaður tvímansleikur

Eyð L. Debess og Aron Rognsøy, gull

Julianna í Heiðunum og Tóki Guttesen, silvur

Birna Jacobsen og Markus Bjarnasson, bronsu