Signa Vár luttekur í Virtus Global Games

Hesa vikuna verða Virtus Global Games hildnir í Vichy, Frankarríki.
Hetta eru leikir har úrvalsítróttarfólk við menningarórógvi kappast.
Tað er 6. Ferðin at Virtus Global Games verða hildnir, og er hetta aðru ferð at Signa Vár Dávadóttir luttekur.
Fyri 4 árum síðani, tá leikirnir vóru í Brisbane, Avstraliu, var Signa Vár í toppformi, og kom heimaftur við heili 9 heiðursmerkjum.
Signa Vár svimur í klassa II3 sum er fyri fólk við vanligum intelligensi men sum eru innan autismuspektrið.
Kappingarnar hjá Signu Vár byrja í dag, og halda fram alla vikuna.

Skráin og beinleiðis stroyming er at finna á www.gg2023.org

Vit ynskja Signu Vár bestu eydnu við kappingunum. tað skrivar Parasport Føroyar.