SÍ er føroyameistarar í dreingjum 14

FM-vikuskiftið í Trongisvági fyri yngru liðini heldur fram, og dreingir 14 hjá SÍ eru júst vorðnir føroyameistarar.

Liðið úr Sørvági leikti finalu ímóti TB og var greitt omaná og vann 3-0. Sørvingar lótu ongan iva vera um, at teir ætlaðu at vinna, og høvdu dygdirnar at vinna FM 2022/23.

Somu lið hittust í steypafinaluni fyrst í mars, og tá vann SÍ eisini, og kann so statt kalla seg bæði føroyameistara og greipuvinnara.

Dagsins leikari fyri SÍ var Mateo Eystberg, og dagsins leikari fyri TB, var Ólavur Hammer.