Sea Shepherd: Yvir 400 kg av góðum mati bjargað frá skrellispannum í mai

Tíðindaskriv frá Sea Shephard:

Hví "skrella" vit?
Tí tað er ein ítøkiligur og jaligur háttur at knýta okkum at nærumhvørvinum – og samstundis gera vart við tað stóra tilfeingisspilli, sum í dag fær loyvi at halda fram ótarnað.

Eitt av teimum mest útbreiddu grundgevingunum fyri grindadrápi er, at tað gevur “ókeypis mat” og er burðardygt. Men tað er ikki burðardygt at innflyta mat úr øllum heiminum – fyri so at blaka hann í skrell orsakað av ovurnýtslu – samstundis sum havumhvørvið verður dálkað og tað villa djóralívið hótt við grindadrápi.

Føroyar deila avbjóðingar við restina av heiminum
Matoyðsl og ovurnýtsla eru ikki einans lokalir trupulleikar – tað er ein altjóða avbjóðing, og Føroyar eru ikki undantikin. Har liggur ein politisk ábyrgd í at viðgera hesar trupulleikar, og hetta er samstundis ein upplagdur møguleiki at taka upp eitt neyðugt alment kjak um grindadráp.

At "skrella" er lógligt og ábyrgdarfullt
Vit bjarga einans frískan og etandi mat úr opnum ruskbingjum. Tíverri uppliva vit, at fleiri handlar velja at læsa sínar skrellispannir – ikki fyri at minka um oyðslið, men fyri at goyma tað. Hetta tekur møguleikan frá fólki at nýta tað, sum annars fer til spillis, og tað er ikki ein loysn.

Vit heita á um opinleika og átøk
Ger tað lætt at berjast móti matoyðsl og tilfeingisspilling. Ver ein partur av loysnini og tak lut í einum neyðugum kjaki um, hvussu vit betur kunnu verja okkara felags jørð.