Ítróttur

Sandavágur í stórum stíli

Sandavágs Talvfelag er flúgvandi í føroysku landskappingini.

2022-11-06 22:32 Author image
Jóanis Albert Nielsen
placeholder
Í triðja umfari í dag vunnu vágamenn stórsigur 3½-½ á klaksvíkingum. Brøðurnir Rógvi og Høgni vunnu báðir á ovaru borðunum, og hava fult stigatal eftir trý umfør. Silas Eyðsteinsson vann eisini á triðja borði. Tann einasti, sum hóraði undan á klaksvíksliðnum, var Wille Olsen, sum telvaði javnt móti tí unga Jón í Horni Nielsen.

Brøður á sigurskós. Rógvi og Høgni Egilstoft Nielsen eru undangongumenn hjá Sandavágs Talvfelag. Innanfyri sæst pápin, Torkil Nielsen. Hann telvar nú á øðrum liði, og kann tí í staðin eygleiða synirnar kýta seg á 1. liði.

Klaksvík - Sandavágur ½ - 3½
Ólavur - Rógvi 0-1
Rani - Høgni 0-1
Terji - Silas 0-1
Wille - Jón ½-½


Meistari og uppflytari

Havnar Telvingarfelag vann í dag heili 4-0 á Kollafjarðar Talvfelag. Her kom munurin á føroyameistara og uppflytara til sjóndar.

Havnin - Kollafjørður 4-0
Helgi - Hans Kristian 1-0
Olaf - Árant 1-0
Luitjen - Rógvi 1-0
Hjalti - Bernhard 1-0


Drúgvir klaksvíkingar

B-liðini hjá Havnini og Klaksvík, sum eru fastir fúsir í 1. deild, plaga at hava javnar dystir sínamillum. Men so var ikki í dag. Klaksvíkingar vóru sannførandi móti spøkum havnarmonnum, sum vóru við undirlutan á øllum borðum. 4-0 til útiliðið - vorðið sum sigur.

Havnin B - Klaksvík B 0-4
Rógvi - Rani B. 0-1
Margar - Steintór 0-1
Suni - Heðin 0-1
Heiðrikur - Ingolf 0-1


Støðan í 1. deild:
Sandavágur 10½
Havnin 9
Klaksvík B 7½
Klaksvík A 5½
Havnin B 2½
Kollafjørður 1½


Komandi umfør

Tvey umfør eru eftir, til komið er hálva leið í liðkappingini. Eitt umfar eru aftrat í hesum árinum - fimta umfar er ikki fyrr enn eftir nýggjár.

Tíggju umfør eru í alt. Kappingin endar 18. mars 2023. Í 1. deild verður telvað soleiðis í fjórða og fimta umfari:

4. umfar (27. november)
Sandavágur - Klaksvík B
Klaksvík - Havnin
Kollafjørður - Havnin B

5. umfar (8. januar)
Havnin - Sandavágur
Havnin B - Klaksvík 
Klaksvík B - Kollafjørður

Hinar deildirnar verða umrøddar seinni. Í 2. deild stendur nú á jøvnum millum Vestmanna og Sandavág, í 3. deild er Kongshavnar talvfelag - fyrr Runavíkar Talvfelag - á odda. Í 4. deild eru vestmenningar fremst, og í unglingadeildini er Havnar Telvingarfelag á odda.

Meira kann lesast á heimasíðu Talvsambandsins: faroechess.com.

Vinarliga broyt tínar kennifíla - og privatlívsstillingar fyri at síggja hetta innihald

placeholder