Sandavágs Talvfelag: Ein óvanligur dagur

Nógvar frásagnir eru skrivaðar her á síðuni, flestu av teimum stuttligar at skriva, tí tað sum oftast gongur væl.

Hendan er ikki ein av teimum. Øll liðini hjá okkum taptu í dag. Fleiri avboð vóru á fleiri liðum og merkti hetta sjálvsagt rokeringar fyri at fáa alt at ganga upp.

ST1 tapti 2,5-1,5 móti KTF2. Hetta er helst fyrsta tapið móti øðrum mótstøðuliði enn HT1 í nógv ár. Nú eru fortreytirnar fyri at vinna FM truplari enn ynskiligt er. Ein 3,5-0,5 sigur í seinasta dystinum er eitt minsta krav.

ST2 tapti 3,5-0,5 móti HT2. So støðan í botninum er nú

KTF2 12,5

ST2 11,5

HT2 11

Eisini her er fortreytirnar at yvirliva vorðnar torførari enn neyðugt var. Seinasti dystur er móti KTF2

ST3 tapti 3-1 móti Rókur1. Hetta merkir at Rókur hevur nú 18,5 á 2.plássi og ST3 18 stig.

ST4 tapti 3,5-0,5 móti VT. ST4 er nú aftast í 3.deild við 13 stigum og VT hevur 14,5.

ST5 tapti 3-1 móti KTF4.

Øll liðini hava sostatt tapt í dag og uttan at vita tað, so er tað helst fyrstu ferð í nýggjari tíð, at ein dagur er gingin so illa.

Um tvær vikur verður alt avgjørt, men einki er liðugt fyrr enn seinasti leikurin er leiktur