Jóanis Albert Nielsen
FSF: Við málum frá Pæturi Petersen, ið gjørdi tvey, Adriani Justinussen og Arnbjørni Svensson, vann føroyska A-landsliðið við monnum ein uppibornan og sannførandi sigur á Liktinstein fríggjakvøldið.
Longu eftir fáum minuttum legði Pætur Petersen Føroyar og odda, og nærum allan dystin sat føroyska liðið á tí allar mesta. Beint fyri hálvleik økti Pætur til 2-0, og í seinna hálvleiki fingu Adrian Justinussen og Arnbjørn Svensson, ið spældi sín fyrsta A-landsdyst, hvør sítt mál.
Týsdagin í komandi skal føroyska manslandsliðið í eldin aftur, tá danir taka ímóti á Brøndby Stadion. Fyrsta bríksl verður klokkan 19:15, sum er klokkan 20:15 danska tíð.
Atgongumerki til landsdystin millum Danmark og Føroyar fáast til keyps í nethandilinum hjá danska fótbóltssambandinum, DBU.
Vinarliga broyt tínar kennifíla - og privatlívsstillingar fyri at síggja hetta innihald