Ríðisamband Føroya heilsar Vága Ríðingarfelag

Høllin ið Vágafólk hava reist í dag í Miðvági man vera eitt tað besta dømi um at treiskni og áhaldni enn finst í summum fólkum.

Tit sum hava staðið fyri arbeiðinum, hava alt rós uppiborið, sjálvt tá harðast hevur leikað á, hava tit ikki givið skarvin yvir, men treisknir hildið á fram við arbeiðinum. Eg vænti ikki eg fari nógv skeivur um eg siga at minst 99% av arbeiðinum í høllini er sjálvboðið.

Fíggjarliga hevur ofta staðið á gomlum nøglum, men Regin hevur sitið fastur á kassanum, so skuldin man vera lítil og eingin í mun til virðið sum er í tílíkari høll.

Hjartaliga til lukku við arbeiðinum higartil og blíðan byr framyvir