Myndir frá treystikappingini NIAR – Faroe Islands 2023

Kappingin byrjaði í morgun við at súkkla úr Havn til Kirkjubøar, síðani gekk leiðin vestur til Gásadals. Úr Gásadali verður gingu fyrst til Slættanesar, og síðani heim á Oyragjógv. Av Oyragjógv skal rógvast til Leynar. Fremsta liðið er júst farin til gongu úr Leynum við kós móti Tjørnuvík.

Henda treystiskapping er ein tann mest avbjóðandi kappingin í í heiminum í menniskjaligum treysti, sálarstyrki og førleikum.

Blandaði lið við fýra íðkarum kappast uttan íhald, nátt og dag, fyri at berja seg gjøgnum teinar á upp til 500 – 1000 km. Hvør teinur er ein serstøk ferð um fjøll og firðir, har íðkarar skulu súkkla, renna, rógva og síga.

Liðini mugu finna veg við korti og kumpass gjøgnum føroysku náttúruna. Stríðið stendur ikki einans millum lið, men líka nógv við ógvusliga møði, svøvnloysi og skiftandi veður. Gevst ein á liðnum, verður alt liðið strikað úr kappingini.

At koma á mál er í sær sjálvum ein stórur sigur.

Kappingin verður í Føroyum frá 13.-19. august, har íðkararnir skulu kappast 250 km á fjallasúkklu, 160 km til gongu og 80 km í báti.

Talan verður um eina ógloymandi ferð fyri tey luttakandi, sum kappast í 27 liðum úr 12 ymiskum londum. Vinnaratíðin verður mett at fara at liggja um hálvtfjórða samdøgur, um veðrið er gott.

Evstamark er, at komast skal á mál innan góð seks samdøgur, í seinasta lagi leygardagin 19. august kl. 12.

Tað ber til at fylgja kappingini beinleiðis her.

Hesar myndirnar eru tiknar á Oyragjógv.