2024-09-29 13:50 
Jóanis Albert Nielsen
Jóanis Albert Nielsen
KÍF – Mjølnir 0-3 (24-26, 26-28, 22-25)
Í øllum trimum settunum legði Mjølnir bragdliga fyri og legði seg á odda við nógvum stigum, men hvørja ferð kom KÍF afturíaftur - tó til fánýtis, tí tá settini skuldi avgerast, var Mjølnir kortini omaná.
Í fyrsta setti hevði Mjølnir lagt seg á odda 5-1 og 11-6, men KÍF javnaði til 12-12. Mjølnir tók leibrá, men tað hjálpti ikki, tí KÍF fór framum 16-13. Mjølnir tók aftur leikbrá, men KÍF helt á at vinna og legði seg á odda 22-19. Tá kom vend í, og Mjølnir javnaði til 22-22. Nú tók KÍF so leikbrá, og tað hjálpti í fyrsta umfari, tí KÍF fór framum 23-22. Men gleðin var stokkut, tí Mjølnir javnaði aftur og vann settið 26-24 við sínum øðrum settbólti eftir væl plaserað lobb frá Nicolu Toftegaard, sum fangaði kollfirðingarnar á hælinum.
Í øllum trimum settunum legði Mjølnir bragdliga fyri og legði seg á odda við nógvum stigum, men hvørja ferð kom KÍF afturíaftur - tó til fánýtis, tí tá settini skuldi avgerast, var Mjølnir kortini omaná.
Í fyrsta setti hevði Mjølnir lagt seg á odda 5-1 og 11-6, men KÍF javnaði til 12-12. Mjølnir tók leibrá, men tað hjálpti ikki, tí KÍF fór framum 16-13. Mjølnir tók aftur leikbrá, men KÍF helt á at vinna og legði seg á odda 22-19. Tá kom vend í, og Mjølnir javnaði til 22-22. Nú tók KÍF so leikbrá, og tað hjálpti í fyrsta umfari, tí KÍF fór framum 23-22. Men gleðin var stokkut, tí Mjølnir javnaði aftur og vann settið 26-24 við sínum øðrum settbólti eftir væl plaserað lobb frá Nicolu Toftegaard, sum fangaði kollfirðingarnar á hælinum.
Annað sett var meinlíkt tí fyrsta. Mjølnir legði seg á odda 10-6 og 19-13, men KÍF javnaði til 23-23 og yvirlivdi eisini tríggjar settbóltar, áðrenn Mjølnir gjørdi sær dælt av tí fjórða og vann settið 28-26. Seinasta duellin var rættiliga long, og tær hjá Mjølni fingu hegnisliga nógvar bóltar uppaftur, sum sóu taptir út, men til síðst vann Mjølnir avgerandi stigið, tá KÍF var dømt fyri at hava verið í netinum.
Í triðja setti tóktisk dysturin avgjørdur, tá Mjølnir streyk framum 12-5 og 16-10, men enn einaferð megnaði KÍF at javna, tá Mjølnir ikki fekk bilbugt við smassjinum frá Elsu Samuelsen, so støðan gjørdist 18-18. KÍF kom í gylta støðu, tá støðan gjørdist, 22-19, men endin gjørdist tó snópisligur fyri kollfirðingar, tí Mjølnir vann næstu seks stigini og settið 25-22.
Dráttur – TB 0-3 (14-25, 12-25, 16-25)
Á Giljanesi hevði TB, sum hevði argentinsku Adrianu Pereyra við aftur, lætt spæl ímóti greipuvinnarunum úr Drátti, sum ikki er sama lið í ár sum seinasta kappingarár. Triðja settið var tað frægasta hjá Drátti, men tað kundi havt endað sum tað ringasta, tá ið TB vann sjey stig á rað og gjørdi tað til 15-6, men seks stig á rað frá Drátti pyntaðu væl um.
Støðan í Hotel Djurhuus-deildini:
Lið | Dystir | Settmunur | Stig |
SÍ | 1 | 3 | 3 |
Fleyr | 1 | 3 | 3 |
Mjølnir | 1 | 3 | 3 |
TB | 2 | 0 | 3 |
KÍF | 1 | -3 | 0 |
Dráttur | 2 | -6 | 0 |
--------
Í dag eru tveir dystir í Polestar-deildini við monnum:
ÍF – Fleyr kl. 13:00
Ternan – Mjølnir kl. 16
Ternan – Mjølnir kl. 16
Vinarliga broyt tínar kennifíla - og privatlívsstillingar fyri at síggja hetta innihald