2023-10-16 22:55 
Jóanis Albert Nielsen
Jóanis Albert Nielsen
Havnarmenn hava lagt seg á odda eftir fyrstu tvey umførini, men stutt er millum Havnina, Sandavág og Klaksvík.
Ikki fyrr enn oddaliðini hittast í innanhýsis dysti, fæst ein ábending um, hvussu jøvn liðini eru.
Havnin og Sandavágur gjørdu aftur bart í øðrum umfari sunnudagin. Bæði vunnu stórsigrar; bara eitt hálvt stig var mist. Afturímóti noyddist A-liðið hjá klaksvíkingum at lata sær lynda javnleik móti øðrum liði hjá vágamonnum. Óvæntaða borðúrslitið var, at Jónfinn Thomsen - sum miðskeiðis í 70-unum var stóra vónin hjá Gøtu Talvfelag - koppaði Terja Petersen. Klaksvíkingar vóru greiðir ratingfavorittar á øllum fýra borðum, so javnleikurin mundi kennast teimum heldur enn ikki snópin.
Havnarmenn og sandavágsmenn høvdu eina broyting hvør í mun til liðið, sum telvaði í fyrsta umfari. Hjá vágamonnum loysti Torkil Nielsen av Jón í Horni Nielsen, og hjá Havnini var Martin Poulsen við fyri Carl Eli Samuelsen.
1. deild - 2. umfar
| 2. Umfar tann 2023/10/15 kl. 14:00 | |||||||||||||
| Bo. | 6 | Sandavágs Talvfelag 1 | Rtg | - | 4 | Havnar Telvingarfelag 2 | Rtg | 3½: ½ | PGN | ||||
| 1.1 | FM |
| 2245 | - |
| 1960 | 1 - 0 | PGN | |||||
| 1.2 | FM |
| 2386 | - |
| 1895 | 1 - 0 | PGN | |||||
| 1.3 |
| 2078 | - |
| 1858 | ½ - ½ | PGN | ||||||
| 1.4 |
| 2069 | - |
| 1787 | 1 - 0 | PGN | ||||||
| Bo. | 5 | Klaksvíkar Talvfelag 2 | Rtg | - | 3 | Havnar Telvingarfelag 1 | Rtg | ½ :3½ | PGN | ||||
| 2.1 |
| 2004 | - | GM |
| 2549 | 0 - 1 | PGN | |||||
| 2.2 |
| 1958 | - | FM |
| 2289 | 0 - 1 | PGN | |||||
| 2.3 |
| 1957 | - |
| 2152 | ½ - ½ | PGN | ||||||
| 2.4 |
| 1953 | - |
| 2148 | 0 - 1 | PGN | ||||||
| Bo. | 1 | Sandavágs Talvfelag 2 | Rtg | - | 2 | Klaksvíkar Talvfelag 1 | Rtg | 2 : 2 | PGN | ||||
| 3.1 |
| 1850 | - |
| 2190 | ½ - ½ | PGN | ||||||
| 3.2 |
| 1762 | - |
| 2165 | 0 - 1 | PGN | ||||||
| 3.3 |
| 1763 | - |
| 2031 | 1 - 0 | PGN | ||||||
| 3.4 |
| 1755 | - |
| 2005 | ½ - ½ | PGN | ||||||
Støðan í 1. deild
| Rk. | Lið | 1a | 1b | 2a | 2b | 3a | 3b | 4a | 4b | 5a | 5b | 6a | 6b | TB1 | TB2 |
| 1 | Havnar Telvingarfelag 1 | * | * | 4 | 3½ | 7,5 | 4 | ||||||||
| 2 | Sandavágs Talvfelag 1 | * | * | 3 | 3½ | 6,5 | 4 | ||||||||
| 3 | Klaksvíkar Talvfelag 1 | * | * | 2 | 4 | 6 | 3 | ||||||||
| 4 | Sandavágs Talvfelag 2 | 1 | 2 | * | * | 3 | 1 | ||||||||
| 5 | Havnar Telvingarfelag 2 | 0 | ½ | * | * | 0,5 | 0 | ||||||||
| 6 | Klaksvíkar Talvfelag 2 | ½ | 0 | * | * | 0,5 | 0 |
Hinar deildirnar
Kollfirðingar, sum í fjør fluttu úr 1. deild í 2. deild, hava longu lagt seg á uppflytingarkós. Við fyrrverandi føroyameistaranum Hans Kristiani Simonsen sum oddamanni, vunnu teir sunnudagin annan dystin á rað.
2. deild (2. umfar)
Kollafjørður A - Havnin B 2½ - 1½
Kongshavn - Havnin A 2 - 2
Kollafjørður B - Klaksvík 1½ - 2½
Støðan (topp 3)
1. Kollafjørður A 5½
2. Kongshavn 5
3. Havnin A 4½
Sundalagsmenn góða byrjan
Rókur er fremst í 3. deild eftir tvey umfør. Eitt bland av teimum, sum fyrr mannaðu Streym og Hósvík - við Martini Brekká sum oddamanni - sóust á liðnum hjá Róki.
Gomu 1. deildarliðini Vestmanna og Gøta telvaðu javnt sínamillum.
3. deild (2. umfar)
Vestmanna - Gøta 2 - 2
Sandavágur B - Rókur 1 - 3
Toftir - Sandavágur A 2 - 2
Støðan (topp 3)
1. Rókur 6½
2. Toftir 5½
3. Sandavágur 5
Nýggju feløgini vunnu
Bæði endurstovnaða Stranda Talvfelag og nýggja felagið í Suðuroy vunnu sunnudagin í 4. deild. Suðuroyingar vunnu við fullum stigatali. Strandingar hava fingið góða byrjan og halda seg frammi í toppinum millum tey tíggju liðini í deildini.
4. deild (2. umfar)
Havnin - Sandavágur 4 - 0
Strendur - Gøta 3 - 1
Suðuroy - Rókur B 4 - 0
Toftir - Klaksvík A 1 - 3
Klaksvík B - Kongshavn 4 - 0
Støðan (topp 3)
1. Havnin 8
2. Strendur 7
3. Klaksvík B 6
Níggju unglingalið
Í vikuni telva liðini í unglingadeildini sínar fyrstu dystir. Í alt níggju lið fara at kappast. Havnar Telvingarfelag og Gøtu Talvfelag hava tvey lið hvør, hini eru Klaksvík, Sandavágur, Rókur, Toftir og Strendur.
Teir vaksnu telva aftur um tvær vikur. Í triðja umfari verður telvað soleiðis í 1. deild 29. oktober:
Havnin (1) - Sandavágur (2)
Klaksvík (1) - Sandavágur (1)
Havnin (2) - Klaksvík (2)
Vinarliga broyt tínar kennifíla - og privatlívsstillingar fyri at síggja hetta innihald