2024-05-31 15:26 
Jóanis Nielsen
Jóanis Nielsen
HSF:
Spennandi hondbóltsvikuskifti fyri framma.
Eitt spennandi hondbóltsvikuskifti stendur fyri framman. Trý føroysk ungdómslandslið eru í dag farin til Íslands, meðan U16-mennirnir spæla tveir venjingardystir í Føroyum í vikuskiftinum.
Dystirnir í Føroyum eru teir fyrstu landsdystirnar hjá hesum ungu monnunum. Teir eru eisini ímóti Íslandi, og verða spældir á Giljanesi og í Kollafirði - ávíkavist leygardagin og sunnudagin klokkan 15. Møguleiki verður fyri at stroyma dystirnar á live.hsf.fo.
Í morgun fóru U16-kvinnur, U18-kvinnur og U20-menn til Íslands. Samanlagt skulu seks dystir spælast á Safamýri, sum er heimstaðið hjá Víkingi Reykjavík, leygardagin og sunnudagin. Hvørt lið spælir tveir dystir, og dystirnir kunnu væntandi stroymast, upplýsir hsf.fo.
Vinarliga broyt tínar kennifíla - og privatlívsstillingar fyri at síggja hetta innihald