Gerðabók frá bygdaráðsfundinum hjá Sørvágs kommunu

Samandráttur av bygdaráðsfundi.

Bygdaráðsfundur: 29.04.2026 kl.17:00 – 17:40

Fundarstaður: Fundarhøli

Hjástødd:

• Eyð Ellingsgaard 
• Jón Joensen 
• Hans Kári Hansen 
• Elsebeth Tausen 
• Tóki Joensen 
• Helena Heðinsdóttir Guttesen 
• Jóhan á Ørg 

Umframt Sunrid Rasmussen, skrivari

Vísandi til grein 18, stk. 2, í løgtingslóg nr. 87 frá 17. mai 2000 um kommunustýri hava Elias Davidsen og Hugin Skaalum boðað frá, at teir ikki kunnu møta á fundinum. Tiltakslimir Elsebeth Tausen fyri Elias Davidsen og Jóhan á Ørg fyri Hugin Skaalum hava fingið fundarboð og játtaðu at møta.

Mál nr. 28/2026

J.nr. 211-4-2026

2. viðgerð av eykajáttan til konto 6.30.41.380

Málslýsing: 2. viðgerð av eykajáttan til konto 6.30.41.380 íløga kloakk

Fíggjarnevndin mælir til at játta eina eykajáttan á kr. 500.000,- til konto 6.30.41.380 Í kloakk.

Peningurin verður at taka av tøkum peningi.

Avgerð: Bygdaráðið samtykti at broyta eykajáttanina frá kr. 500.000,00 til kr 1.000.000,00

Peningurin verður at taka av tøkum peningi

Mál nr. 32/2026

J.nr. 211-6-2026

1. viðgerð av eykajáttan til útiøkið rundanum Messuna

Málslýsing: 1. viðgerð av eykajáttan til útiøkið rundanum Messuna .

Tilmæli 22.04.26: Tekniska nevnd mælir til at kanna møguleikan at leggja avfresa tilfar á økið.

Tilmæli 23.04.26: Fíggjarnevndin mælir til at játta eina eykajáttan á kr. 500,000,00 til konto 7.38.14.380 Bátahylurin, havnir og lendingar, til at leggja avfresa tilfar á uttanum økið við Messuna

Avgerð: Bygdaráðið samtykti at fylgja tilmælinum frá Fíggjarnevndini.

Peningurin verður at taka av tøkum peningi.

Mál nr. 33/2026

J.nr.219-20-2026

Umsókn um fíggjarligan stuðul fyri 2026 – Sørvágs Bygdarsavn

Málslýsing: Sørvágs Bygdarsavn søkir um stuðul fyri 2026

Tilmæli 14.04.26: Trivnaðarnevndin mælir til at stuðla Sørvágs bygdarsavni við kr. 72.000,00 fyri árið 2026

Tilmæli 23.04.26: Fíggjarnevndin tekur undir við tilmælinum frá Trivnaðarnevndini.

Avgerð: Bygdaráðið samtykti at fylgja tilmælinum frá Trivnaðar- og Fíggjarnevndini.

Mál nr. 34/2026

J.nr.542-107-2025

Umsókn um loyvi at innrætta úthús á matr. nr. 339c í Sørvági

Málslýsing: Eigarnir av matr.339c í Sørvági, søkja um loyvið at innrætta úthúsið sum stendur á ognini.

Tilmæli frá vinnunevndini 01.04.2026:

Vinnunevndin metir ikki at, tað er ein skilagóð loysn at geva loyvi til slíka bygging, og ætlar ikki at geva tann møguleika í nýggju byggisamtyktini

Tilmæli 22.04.26: Tekniska nevnd tekur undir við Vinnunevndini um ikki at geva byggiloyvi, tí samb. byggisamtyktina er ikki loyvt at hava tvær búeindir á sama matrikkli.

Avgerð: Bygdaráðið samtykti at fylgja tilmælinum frá Teknisku- og Vinnunevndini.

Mál nr. 35/2026

J.nr.541-15-2026

Marknaumskipan millum matr. 62h og matr. 62a í Sørvági.

Málslýsing: Umsókn um marknaumskipan millum matr. 62h og 62a í Sørvági.

Matr. 62h letur uml. 13 m2 til matr. 62a og 62a letur uml. 13m2 til matr.62h

Tilmæli 22.04.26: Tekniska nevnd viðmælir marknaumskipanina millum matr. 62h og matr. 62a í Sørvági.

Avgerð: Bygdaráðið samtykti at fylgja tilmælinum frá Teknisku nevnd.

Mál nr. 36/2026

J.nr.542-50-2026

Søkt verður um loyvi at hækka verandi útbygning á útbygningi á sethúsinum á matr. 88d í Sørvági.

Málslýsing: Sp/f Vága Smíð søkir vegna Bjartur Randrup, um loyvi at hækka verandi útbygning á sethúsinum á matr. 88d í Sørvági.

Tilmæli frá tekniska leiðaranum:

Tekniski leiðarin mælir til at geva byggiloyvi vísandi til tekning. Hækkingin av tekjuni hevur ikki ávirkan á onnur viðurskifti við byggingini

Um loyvið verður givið, skal byggjast eftir innsendu tekningum, og viðmerkingum í tilmæli og annars eftir ásetingunum í BK17 og byggisamtyktini.

Tilmæli 22.04.26: Tekniska nevnd tekur undir við tilmælinum frá tekniska leiðaranum.

Avgerð: Bygdaráðið samtykti at fylgja tilmælinum frá Teknisku nevnd.

Mál nr. 37/2026

J.nr.542-43-2026

Umsókn frá Vága Floghavn um byggiloyvi til stálhøll á matr. 427a

Málslýsing: Umsókn frá Vága Floghavn um byggiloyvi til stálhøll á matr. 427a

Tilmæli frá tekniska leiðaranum:

Tekniski leiðarin mælir til, at játta áramálssetta byggiloyvið vísandi til umsókn og tekningar. Um loyvið verður givið, skal byggjast eftir innsendu tekningum, og viðmerkingum í tilmæli og annars eftir ásetingunum í BK17 og byggisamtyktini.

Tilmæli 22.04.26: Tekniska nevnd tekur undir við tilmælinum frá tekniska leiðaranum.

Avgerð: Bygdaráðið samtykti at fylgja tilmælinum frá Teknisku nevnd.

Mál nr. 38/2026

J.nr.541-87-2026

Umsókn um samanlegging av matr. 422q og matr. 422ac í Sørvági

Málslýsing: Umsókn um samanlegging av matr. 422q og matr. 422ac í Sørvági.

Tilmæli 22.04.26: Tekniska nevnd viðmælir umsóknina um samanlegging av matr. 422q og matr. 422ac í Sørvági.

Avgerð: Bygdaráðið samtykti at fylgja tilmælinum frá Teknisku nevnd.